Thursday, June 21, 2007

في البداية







بالأمس القريب كنت جالسا مع نفسي نستعيد سويا شريط الحياة،وأمر على مراحلها المختلفة مرحلة مرحلة وقد كنت أقف عند كل مرحلة من تلك المراحل،وأتذكر ما كان فيها.فأحيانا أقف عند مرحلة معينة وأضحك على ما كان فيها من براءة وسذاجة وسعادة وفرح،وأحيانا أقف عند أخرى فاذا بي أبكي على ماكان في تلك الأيام من أحزان وأوجاع وجراح.....وبينما أسير في رحلتي مع الشريط ،فاذا بشىء غريب يحدث عند وصولي لاخر مرحلة من تلك المراحل،واذا بشبح من الوجوم والتمبلة قد خيم علي،واذا بالمشاعر المختلجة تتحرك في قفصي الصدري......حقيقة لا أدري هل أبكي علي تلك المرحلة التي ضاعت سدى،وعلى حالي فيها مع الله ومع الناس؟؟؟؟؟؟؟أم أضحك وأخرج تلك القهقهات الهيستيرية(مثل الشاب الجالس على القهوة
مشاهدا فيلم بوحة وما فيه من افيهات)علي تلك الأيام وما كان فيها من طيش واندفاع وهبل وهطل.لا أدري ماذا أفعل.....

فلو تأملت بعينيك (التي حتما سيأكلها الدود يوما ما)،لرأيت شابا يرتدي (من غير هدوم)،في مقتبل العمر ،يعيش حياة ظاهرها (بمبي مسخسخ)،وباطنها(سوداء مقطرنة)......فهو لايعرف الا (الحريم)طريقا للتعبير عن أحلامه وأماله،ولا يعرف الا (الكليوباترا الفرط)طريقا للتعبير عن ضيقه وهمومه والبوح بها،كما لايعرف الا(المسك في خناق البني ادمين)للتعبير عن شبابه وانطلاقه وقوته و(نضوجه)..........فلقد كان يجد في تلك الأشياء ما يرفع كلا من مزاجه ودماغه العاليتين.

ولأن لغة الصورة قد أثبتت أنها أفضل الطرق لايضاح الحقائق وايصال المفاهيم فلن أتكلم وأصف كثيرا.....وأعتقد ان الموضوع باين من الصورة

ولا يظنان ظان أنني أكتب هذه التدوينة من باب الفشخرة واظهار العضلات والتي شيرت (الأديداس)العنيف،ولكنني أكتبها لأسباب عدة لعل أهمها أن تكون بداية حياة جديدة لشاب قرر أن يبدأ من جديد راجيا من الله أن يغفر له ولغيره،وأن يعرف كل الناس أنه من السهل جدا أن تتخلي عن كل شيءفي سبيل فكرة قد امنت بها.

وأنا دلوقتي بدأت المشوار الطويل للتغيير ،وأنا لسة في البداية




7 comments:

أحمد بن شلبي تكعيب said...

ايه ده ... ايه الحلاوة والفول والمسقعة دي كلها

عمرو ، صهيب في عالم التدوين يا رجالة

عشام خاطر السحنة الجميلة دي .. اوجهلك تحياتي وقبلاتي واقولك : مكنتش عارف ان انت بتعرف تدبج حاجات عنيفة كده

الطلحاوى said...

السلام عليكم ورحمة الله وبركاتة

اية ياض دة يااااااااااااض

انت قصدك يعنى

ان زمان كان فى فترة صياعة وحريم ونسوان والكلام دة

ودلوقتى اهتديت والحمد لله وبقيت منتظم بقى وكدة


طب يا عم دة لو كدة تشكر ربنا وتحمدة الحمد لله


تصدق يا واد يا صهيب بجد بجد


نفسى اتعلم الصياعة منك


يلا مش مهم ومبروك عالمدونة

وعقبال التدوينة الجاية النسة الجاية ان شاء الله

Reem said...

مبروك على المدونة

menna tarek said...

el salamo 3aleiykom ya gama3a ana aslan awel mara 2a2ra el medawenat dy w makontesh a3raf ya3ny "medawena "aslan bs bgd lama 2aret dy 3agabetny awy w bzat enaha betekalem 3an 7aga fe3lan bete7sal ya3ny el 7ewarat ely byehtamo biha el welad 7aleyan bs bgd 7elwa gdan w ana ba7aiik ya soheb 3la el medawena dy ....

khaled said...

ازيك يا ابو صهيب
ايه يلا المدونه الجاحده دي
ربنا يجعل موضوعاتها سببا في هدايه الناس وان يجعل قصتك عبره لكل شاب كان مثلك
والسلام ختام
من واحد بيحبك اوي اوي اوي

3abdalla said...

ya sayeee3 eh ya 3am el 7agat el gamda diiii isa beltawfee2 we rebana yekremak ya basha :D

وش اعلام said...

السلام عليكم
جزاكم الله خيرا .....جميعا ......و أنا حاسس ان ربنا هيبارك ف المدونة.....عشان انتوا أول اللي دخلتوها....