نفسي أشوف......أول أغنية لينا

بسم الله الرحمن الرحيم

الحمد لله ،والصلاة والسلام على رسول الله (ص).....أما بعد

الحمد لله قدرنا نسجل أول أغنية لينا لفريق (بداية)،واللي بيتكون من اتنين بس حتي الان،المهم،والأغنية دي أنا بهديها لكل الناس اللي بحبهم في الله،وعلي وجه التحديد (دفعة تانية اعلام الجامد والكفاءة جدا)والأغنية دي

كلمات وألحان:صهيب شكري وغناء:ضياء صاحب الصوت الجامد جدا واللي بتكهنله بمستقبل جامد جدا
وتم التسجيل:بحمامات أبو أيمن ساوندس. بس
وجاء فيها

نفسي أشوف حاجة بتجري ف دمنا
نفسي أحس بحاجة واحدة ف قلبنا
نفسي أدوق طعم المحبة لبعضنا
يللا نبدأ خطوة واحدة من هنا

راجعين اه راجعين.... شايلين ف قلبنا حلم السنين
باقين ع الحب بينا والحنين
ناسيين كل اللي فات من عمرنا

ماشيين اه ماشيين .......رافعين قرانا ف ايدينا دليل

قادرين علي كل ضلمة وكل ليل
شايفين حلم الحياة بيضمنا
.......................

لو تشوفنا تحس بينا كأننا
قلب واحد حضن واحد ضمنا
نفسنا تبقى معانا ف حلمنا
دا احنا منك وانت برضه مننا

راجعين اه راجعين ........شايلين ف قلبنا حلم السنين
باقيين ع الحب بينا والحنين
ناسين كل اللي فات من عمرنا

ماشيين اه ماشيين ......رافعين قرانا ف ايدينا دليل
قادرين علي كل ضلمة وكل ليل
شايفين حلم الحياة بيضمنا

...........بس خلاص

وكمان عشان ما تقولوش ان أنا حارمكم من حاجة،أنا سجلت نسختين،واحدة بايقاع والتانية من غير ايقاع،واللي بايقاع بصوتي أنا (واستحملوا بقي)،والتانية بصاحب الصوت الجامد(ضياء)....اشطاط؟

سماع النسخة من غير ايقاع بصوت ضياء

سماع النسخة بايقاع بصوت صهيب


ياريت اللي عنده أي تعليق يقوله مهما كان لأن ده أول وعمل وعايزين نعرف كل الاراء

وسامحونا لوكان الصوت وحش في التسجيل لأن دي أول مرة وكده بقي

وجزاكم الله خيرا
والسلام عليكم ورحمة الله وبركاته.